Abenshi tuzi neza ko iyo umuntu agiye gutangira gukora ibihangano birimo umuziki no gukina amafilime afata izina azajya akoresha nk’izina ry’ubuhanzi ritandukanye n’iry’amavuko.
Buriya uko byagenda kose aba bahanzi n’ibyamamare, bose baba bafite amazina bavukanye ariko bakaza guhitamo kuyahindura ku bw’akazi bakora.
Bamwe bafata amazina mashya abandi bagafata ayo bari basanganwe bakayahina cyangwa se bakayafataho ibice ariko ukumva yahindutse kimwe n’uko hari abafata n’adafite aho ahuriye.
Gusa hari bamwe na bamwe batabikozwa bagahitamo kwigumanira amazina yabo y’amavuko kandi nabo bakavamo ibyamamare bikomeye.
Reka turebe amazina y’amavuko (birth names) y’ibyamamare 10 byo mu Rwanda, muri Afurika ndetse no mu mahanga.
#10 Bushali (Rwanda)
Izina yavukanye: Hagenimana Jean Paul
Bushali ni umwe mu bahanzi bafite abakunzi batari bacye mu Rwanda, akaba akora injyana ya Kinyatrap (Kinyarwanda Trap).
Iyi njyana ikaba ari umwihariko mu gihugu kuko itari imenyerewe na benshi ikaba izwi ku bahanzi bacye nka Bushali nyine na B-Threy.
#9 Cardi B (U.S.A)
Izina yavukanye: Belcalis Marlenis Almánzar
Cardi B avuga ko iri zina yaryiyise bitewe n’uko mu bwana bwe yari afite akabyiniriro k’inzoga yitwa “Bacardi” ariko afata agace gato ka “Cardi” naho B yo ni iyo mu mazina.
#8 The Weeknd (Canada)
Izina yavukanye: Abel Makkonen Tesfaye
The Weeknd ni umuhanzi umaze igihe kinini akunzwe, mu ndirimbo ze zakunzwe cyane harimo nka “Blinding Lights” na “Starboy”.
Avuga ko iri zina yaryiyise bitewe n’uko yavuye iwabo (ku myaka 17) ari muri weekend, ariko yakuyemo “e” kubera ko hari irindi tsinda ryo muri Canada ryitwa The Weekend.
#7 Bruce Melodie (Rwanda)
Izina yavukanye: Itahiwacu Bruce
Bruce Melodie nawe ari mu bahanzi bamaze igihe kinini akora umuziki nyarwanda. Ubu ntawashidikanya ko ari mu bahanzi bakunzwe cyane mu Rwanda kubera ijwi n’ubuhanga bye.
Bruce Melodie afite indirimbo nyishi zagiye zikundwa nka Katerina na Bado
#6 Diamond Platnumz (Tanzania)
Izina yavukanye: Naseeb Abdul Juma Hassick
Diamond Platnumz ni umwe mu bahanzi bigaruriye imitima ya benshi muri Afurika y’iburasirazuba. Diamong akaba azwi ku mazina menshi nka Simba cyangwa se Chibu Dangote.
#5 Burna Boy (Nigeria)
Izina yavukanye: Damini Ebunoluwa Ogulu
Uyu munyanijeriya uherutse kwegukana igihembo cya Grammy Awards, rero nta washidikanya ku mpano ye. Ndakeka ko iyo uyu muhanzi aza kwitwa amazina ye bwite byari kujya bigora abanyamakuru benshi ku isi.
#4 Nel Ngabo (Rwanda)
Izina yavukanye: Nelson Rwangabo
Ndakeka ko byigaragaza aho izina ry’uyu muhanzi rituruka unarebeye mu mazina ye. Nawe akaba ari mu bahanzi bato kandi bagaragaza ejo hazaza heza.
#3 Davis D (Rwanda)
Izina yavukanye: David Icyishaka
Davis D cyangwa se Shine Boy nawe ni umuhanzi nyarwanda ukunzwe cyane muri iyi minsi kubera ubwoko bw’injyana aririmba ikurura urubyiruko.
#2 Harmonize (Tanzania)
Izina yavukanye: Rajab Abdul Kahali
Harmonize ni umunya Tanzania nawe bigaragara ko ashoboye, wabanje no kujya akorana na Diamond Platnumz gusa nyuma aza gukomeza inzira ye.
#1 Wizkid (Nigeria)
Izini yavukanye: Ayodeji Ibrahim Balogun
Wizkid A.K.A Starboy ni umuhanzi w’umunya Nigeria ubica bigacika mu muziki nyafurika nawe aherutse kwegukana igihembo cya Grammy awards.
Niba ukunda inyandiko za Menya ushobora kujya umenyeshwa muri Email yawe mu gihe inyandiko nshya zasohotse bitakugoye. Nyura muri form iri munsi!
