Wari wumva nk’ibirori byabereye ahantu ukumirwa kugeza n’ubwo wibaza niba abo bantu bakoreshaga amafaranga cyangwa impapuro? The Met Gala nacyo ni kimwe muri ibyo birori.
The Met Gala ni ibirori bwoko ki?
The Met Gala ni ibirori ngarukamwaka by’imideri bidasanzwe kandi bihenze. Ibi birori byatangiye mu mwaka wa 1948 bitangijwe na Eleanor Lambert.
Ibi birori biba bigamije gukusanya amafaranga yo gushyigikira ibikorwa bya yitwa Costume Institute yo mu nzu ndangamurage y’ubugeni ya Metropolitan (Metropolitan Museum Art) muri Leta Zunze Ubumwe za Amerika.
The Met Gala itegurwa kandi igashyirwa mu bikorwa na Vogue, ikinyamakuru gikomeye mu by’imideri. Ibi birori bihuriramo abantu bakomeye mu ruganda rw’imyidagaduro.
Ibi birori biba buri wa mbere w’ukwezi kwa Gicurasi (ukwa 5). The Met Gala yo mu 2026 yabaye ku wa 4 Gicurasi 2026.
Ni iki kidasanzwe kuri ibi birori?
Kubera ko ari ibirori by’akataraboneka nta kabuza ko biba bifite umwihariko.
Umwihariko wa mbere ni uko bigira amabwiriza adasanzwe. Bisaba kuba usobanukiwe neza ibyo urimo. Urugero, amabwiriza y’imyambarire (“dress code”) ni nk’insanganyamatsiko. Amabwiriza y’uyu mwaka yitwaga “Fashion Is Art” (soma amabwiriza hano mu buryo burambuye).
Andi mabwiriza ni uko nta muntu n’umwe witabiriye wemerewe kwinjirana telefone. Bivuze ko ibi birori ubijyamo ugiye gukora icyakujyanye, harimo nko kuganira no gusura inzu n’imurikagurisha ribera muri ibi birori.
Undi mwihariko ni uko usibye n’amategeko yihariye ahubwo biranahenze cyane. Ibi birori ntabwo byigonderwa n’uwo ariwe wese kuko bisaba umufuka uremereye.
Ibirori bya Gala byo mu 2026 byasabaga akayabo ka $100,000 by’amadolari (ubwo ni miliyoni 146 z’amafaranga y’u Rwanda) yo kwinjira.
Aya mafaranga yavuye ku $75,000 yo mu 2025, kandi nanone bivuye ku bihumbi $50,000.
N’ubwo ibi birori bihenze ariko ntabwo ariko uyafite wese agira amahirwe yo kubyitabira. Nk’uko bivugwa na Vogue, ibi birori byitabirwa n’abantu batarenze 450 kandi b’ingeri zose. Mu bitabira harimo abahanzi, abanyamideli, abakinnyi, n’abanyapolitiki n’ibindi byamamare.
The Met Gala itegurwa ite?
Ibirori bya the Met Gala kandi itegurwa n’abantu b’amazina akomeye ku ruhando mpuzamahanga. Ibi birori bigira abashinzwe ku bitegura bungirijwe na komite ishinzwe kubunganira.
The Met Gala ya 2026 yateguwe Beyoncé, Nicole Kidman, Venus Williams, na Anna Wintour. Bari bungirijwe na komite nayo irimo amazina y’ibyamamare nka Sabrina Carpenter, Rebecca Hall, Sam Smith n’abandi benshi.
Ibirori bya the Met Gala y’umwaka utaha, 2027 iteganyijwe ku wa 3 Gicurasi 2027.
Hagati aho, dore amwe mu mafoto atangaje yaranze ibirori bya the Met Gala 2026:
