Nyuma yo kubona ibimenyetso bigaragara ku bikarito igice cya mbere (1), ndagarutse n’igice cya 2 hariho ibindi bitandukanye ariko nabyo by’ingenzi ukwiye kumenya.
Ibimenyetso kubimenya bizagufasha iki?
Bizagufasha ahantu henshi hashoboka rwose by’umwihariko niba uri umucuruzi cyangwa se uri mu bwikorezi bw’ibintu biba bipfunyitse.
Ariko si ibyo gusa kuko no mu buzima busanzwe byagufasha kumenya uko ufata igikoresho cyawe uramutse ukiguze kugira ngo kitangirika.
Reka turebe ibindi bimenyetso bigaragara ku bikarito ukwiye kuba wamenya.
Niba utarasoma igice cya 1 — Gisome hano
#5 Abantu babiri bateruye
Aha n’ikimenyetso ubwacyo kirivugira. Ni ukuvuga ngo iki kimenyetso kikubwira ko ibikoresho biri mu gikarito udashobora kubyifasha wenyine ariko ko undi muntu yagufasha kugiterura.
Gusa si itegeko ko ari abantu babiri bagiterura gusa, ahubwo n’ubundi bufasha bw’abantu barenze umwe wabona hafi aho wabwifashisha ntakibazo.
Indi nkuru wasoma: Inkweto zitajya ziva kuri poze.
#4 Ibikarito bigerekeranye n’agakubo
Aho uzabona hose iki kimenyetso uzamenye ko kikubuza ibikoresho biri muri icyo gikarito utagomba kubigerekeranya cyangwa ngo ubigerekeho ibindi. Iki gikora kubintu bishobora kwangirika biramutse byongereweho nk’ibindi biro hejuru.
Mu bimenyetso biri imbere turaza kubonamo ikindi cyenda gusa n’ikingiki ariko hagati yabyo harimo itandukaniro rito cyane ariko rifite akamaro.
Indi nkuru: Gukoresha irembo bitagusabye konti.
#3 Akagare k’imizigo
Akamenyetso k’akagare k’imizigo gateruye ibintu gasobanuye ko ibyo ibikoresho biri mu gikarito bikwiye kugenda ku kagare k’imizigo.
Kenshi na kenshi iki kimenyetso gishyirwa ku bintu biremereye cyane umuntu abantu batabasha guterura, kikaba gifitanye isano n’ikimenyetso cya 7 mu gice cya 1.
#2 Umuntu uri kujugunya
Iki kimenyetso cy’umuntu uri gushyira ibintu mu gakangara k’imyanda kiboneka ahantu hacye ku bikarito.
Gishatse gusobanura ko iyo urangije gukoresha igikoresho runaka ugishyira cyangwa ukijugunya ahabugenewe.
Indi nkuru: Ibintu wumva bisanzwe kandi ahandi bibujijwe.
#1 Udukarito tugerekeranye hagati harimo umubare
Ahantu hose uzabona hari iki kimenyetso uzamenya ko ubujijwe kugerekeranya ibyo bikoresho kugeza ku rwego rungana n’umubare wanditse.
Urugero nk’uko handitsemo 4 ni ukuvuga ngo ntiwemere kurenza ibikarito 4 ubigerekeranyije, iki kimenyetso ariko nacyo ntigikunze gukoreshwa cyane.
Aha rero niho iki gitandukanira n’icyo twabonye kuri numero ya 4 (hejuru) kubera ko cyo kikubuza kugerekeranya na rimwe.
Niba ukunda inyandiko za Menya, ushobora kujya umenya inshyashya zageze ku rubuga bikoroheye, ukoresheje form iri munsi.
